Author: Nā Maria-Pare Tewhiu
Tuhinga Whakarāpopoto
“Ko te Ahurei o te tamaiti, aroha o tātou mahi.”
E kōrero ana tēnei atikara mō te manaakitanga. Heoi, kei te aro whāiti tēnei atikara ki te manaakitanga i roto i ngā Kohanga reo me ngā Kura Kaupapa Māori. Ko te whakatauira matua o te manaakitanga ki roto i tēnei atikara, ko tōku Pāpā a Reverend Wimutu Tewhiu. Mā ēnei kōrero e whakawhānui i te tirohanga mō te manaakitanga, kia kitea ai tāku e whakapae nei. Waaihoki, ko te pito o te manaakitanga ko ngā āhuatanga Māori. Ka whakatewhatewha tēnei atikara i ngā hīkoitanga o tōku Pāpā, kia pūrangiaho mai ko ngā mātāpono o te ao Māori ki roto i te Kura Kaupapa Māori, hei tūāpapa mō ngā tamariki. Kātahi ka tū māia taua tamaiti ki roto i ngā manaakitanga o te ao Māori hei raukura mō te iwi. Ko te whāinga matua, kia ine kia whāwhaki hoki i te rangatira o ngā whakaakoranga o te kohanga me ngā Kura Kaupapa. Engari, ko ēnei akoranga te tino tohu o te manaakitanga. Ka noho ēnei kōrero hei whakataunga mō te mana nui o te manaakitanga ki te hāpai i te whānau, te hāpori, ngā hapū, me ngā iwi anō hoki.
Key words: manaakitanga, manaaki, te reo Māori, tikanga, whakatū, whanau, hapū, iwi, āhuatanga Māori, tuakiri Māori, Kohanga reo, Kura Kaupapa Māori, hāpori, taupēhitanga, taupēhi, kaikiri.